Koçaryan Paşinyana qarşı hücuma keçir - Siyasətə qayıdır

Ermənistanın ikinci prezidenti olmuş Robert Koçaryan təzədən siyasətə qayıdacağını açıqlayıb. O, bunu Ermənistanın “Yerkir Media” televiziyasına verdiyi müsahibədə deyib.

AzNews.az “news.am” saytına istinadən xəbər verir ki, R.Koçaryan müsahibəsində “Niyə həyəcanlanırlar? Niyə müdaxilə edirlər? Bu ölkədə müxtəlif fikirli şəxslər ola bilməz?” – deyə, bildirib.

O, qeyd edib ki, Ermənistanın baş nazirinin çıxışlarından narahatlıq duyur. Hökumətin beynəlxalq münasibətləri düzgün dəyərləndirə bilməməsini vurğulamış Koçaryan Paşinyanın bütün dünyanın Ermənistana adaptasiya olması ideyasını dəstəkləmədiyini deyib. Bir daha siyasət meydanına atılmağı düşünən Koçaryan ən pis müzakirənin belə, münaqişədən yaxşı olduğunu ifadə edib.

Nurlan AĞA
AzNews.az