Bərdədə qəbiristanlıqda yanğın olub - Foto

Bərdənin Kətəlparaq kəndi ərazisində yerləşən qəbiristanlıqda yanğın baş verib.

AzNews.az Apa-ya istinadən xəbər verir ki, alov su kanalının kənarındakı qamışlıqda başlayıb və sonra qəbiristanlığa keçib.

Kənd sakinlərinin bildirdiyinə görə, alovun geniş miqyas alması nəticəsində məzar daşlarına zərər dəyib.

Yanğının söndürülməsi məqsədilə hadisə yerinə yanğınsöndürmə briqadası çağırılıb. Yanğın söndürülüb.