22:30
(077) 610-22-33

Masallıda meşə yanğınları davam edir

  • >
448 13 Avqust 2014 17:17 | Hadisə

Masallı Meşə Mühafizəsi və Bərpası Müəssisəsinin Qəriblər meşəbəyliyinin 6A saylı dolayında başlayan yanğın davam edir.

APA-nın cənub bürosunun xəbərinə görə, naməlum səbəblərdən baş vermiş yanğının söndürülməsinə Ekologiya və Təbii Sərvətlər Nazirliyinin (ETSN), Fövqəladə Hallar Nazirliyinin (FHN) müvafiq qurumlarının əməkdaşları, yanğından mühafizə dəstələri, həmçinin yerli sakinlər cəlb ediliblər.

Hektarlarla ərazidə ağac və kol örtüyünə ziyan dəyib.

Hadisə yerinə FHN-in yanğınsöndürən maşınlarının çıxması mümkün olmadığından yanğınla mübarizəyə FHN, ETSN və yerli qurumların 400-ə yaxın canlı qüvvəsi, 2 helikopter və bir təyyarə cəlb olunub.

Bu gün isə əraziyə daha 50 canlı qüvvə gətirilib. Masallı və ətraf rayonlardan olan dövlət yanğından mühafizə hissələrinin birgə səyi ilə yanğının genişlənməsinin qarşısının alınması istiqamətində mümkün olan tədbirlər görülür, həmçinin ağır texnikanın imkanlarından istifadə edilir.

Ekologiya və Təbii Sərvətlər Nazirliyinin (ETSN) mətbuat xidmətinin rəhbəri İradə İbrahimova isə APA-ya bildirib ki, yüksək dağlıq ərazidə közərmələr qeydə alınır, quraqlıq olduğundan və hava küləkli keçdiyindən yenidən alovlanmanın baş verməməsi üçün aviasiya cəlb olunub.

AzNews.az
Bağla X