"Bu şansdan maksimum istifadə etməyə çalışacağıq" - Qurban Qurbanov

“İlk oyundan sonra demişdim ki, cavab matçı daha çətin olacaq. İlk dəqiqələrdən rəqib pressinq edəcək və bu oyunda daha çox güc sərf etməliyik. Rəqib azarkeşlərin dəstəyi ilə yaxşı nəticə qazanmağa çalışacacaq, biz də bunun qarşısını almaq üçün meydana çıxacağıq. Sabah bizi ağır oyun gözləyir. Şansımız var və bu şansdan maksimum istifadə etməyə çalışacağıq”.

AzNews.az istinadən xəbər verir ki, bu sözləri komandanın baş məqşçisi Qurban Qurbanov oyunöncəsi mətbuat konfransında bildirib.

Yarımmüdafiəçi Miçel də qarşılaşma haqda danışıb:

“Kopenhagen”də hansısa futbolçunu fərqləndirməzdim, komanda halında oynayırlar. Rəqibimiz olduqca güclüdür və Çempionlar Liqasında yetərincə təcrübələri var. Təbii ki, sabah onlar da azarkeşlərinin dəstəyi ilə uğur qazanmağa çalışacaq. Amma biz inanırıq ki, sabah sərfəli nəticə qazanıb bu mərhələni keçəcəyik”.

Qeyd edək ki, sabah “Qarabağ”ımız Çempionlar Liqasının pley-off mərhələsinin cavab matçında səfərdə “Kopenhagen”in qonağı olacaq.