Moldova ombudsmanından Azərbaycana minnətdarlıq

"Heydər Əliyev" adına qızıl medal işimə verilən yüksək qiymət kimi qəbul etdim".

Bunu Lent.az-a Moldovanın ombudsmanı Aurelia Qriqoriu deyib.

Ombudsmanı bu mükafat çox sevindirib: "Bu xəbər mənə qəlbimin dərinliyinə qədər təsir etdi. Minnətdaram. Lakin işlə əlaqədar mükafat mənə bir qədər gec təqdim olunacaq".

O, əlavə edib ki, avqustun 25-də ona növbəti mükafat-Müqəddəs Vladimir ordeni veriləcək.

Qeyd edək ki, Moldovanın ombudsmanı "Heydər Əliyev" adına qızıl medal mükafatına layiq görülüb. Türkdilli Dövlətlərin Siyasətini Dəstəkləmə Fondunun yüksək mükafatı ombudsmana Bakıda təqdim olunacaq.

İndiyə qədər görkəmli qırğız yazıçısı Çingiz Aytmatov, Qırğızıstan Respublikasının keçmiş prezidenti Kurmanbek Bakiyev, Türkiyənin baş naziri Rəcəb Tayib Ərdoğan, Çeçenistanın prezidenti Ramzan Kadırov "Heydər Əliyev" qızıl medalının laureatları olub.


AzNews.az