Qocalıq neçə yaşdan başlayır

Analitik.az ABŞ mətbuatına istinadən xəbər verir ki, amerikalı alimlər insanın qocalmağa başladığı yaşı təyin ediblər.

"İnsanlar yaşayış tərzindən, cinsindən və cəkisindən asılı olmayaraq, 39 yaşından cavanlıqla vidalaşmalı olurlar. Uzun illər aparılan təcrübələr məhz bu yaşdan başlayaraq, insanda əqli qabiliyyətin və hərəkət-dayaq sisteminin funksiyalarının yavaş-yavaş geriyə getdiyini təsdiq edir. Buna səbəb 39 yaşdan sonra insan orqanizmində miyelin deyilən maddənin istehsalının azalmasıdır."

Alimlər bildirir ki, miyelin – sinir hüceyrələrini örtən və onları zərərli kənar təsirlərdən qoruyan maddədir. Orqanizmdə miyelinin istehsalının dayanması insanda hərəkət və əqli imkanların zəifləməsinə səbəb olur. Eləcə də zədələnmiş miyelin örtüklü hüceyrələrin dağınıq skleroz kimi qorxulu xəstəliyinə təkan verir.


AzNews.az