AXCP Rüstəm İbrahimbəyov üçün təşəbbüs qrupu yaradır

Azərbaycan Xalq Cəbhəsi Partiyası Milli Şuranın sədri və vahid namizədi Rüstəm İbrahimbəyovun prezidentliyə namizədliyinin irəli sürülməsi üçün təşəbbüs qrupu yaradacaq.

Bu barədə AzNews.az-a partiyanın sədri müavini və Milli Şuranın üzvü Fuad Qəhrəmanlı məlumat verib. O bildirib ki, AXCP Azərbaycanın 60 bölgəsində R.İbrahimbəyovun namizədliyinin irəli sürülməsi ilə bağlı təşəbbüs qrupları formalaşdırılıb.

Onun sözlərinə görə, R.İbrahimbəyovun Rusiya vətəndaşlığı ilə bağlı həll edilən və o ölkəyə qayıdan kimi həmin təşəbbüs qrupunda təmsil olunan şəxslər Milli Şura sədrinin namizədliyinin irəli sürülməsi üçün Mərkəzi Seçki Komissiyasına müraciət edəcəklər.

F.Qəhrəmanlı onu da bildirib ki, hazırda R.İbrahimbəyov üçün MŞ üzvləri tərəfindən bir təşəbbüs qrupu yaradılıb, ancaq bu cür təşəbbüs qruplarının sayının bir neçə olacağı gözlənilir.

Anar
AzNews.az