Ağdamda çobanlar arasında insident: Güllələdi, sonra özünə qəsd etdi

Ağdamda çoban həmyerlisini güllələdikdən sonra özünə qəsd edib.

Aznews.az xəbər verir ki, hadisə rayonun işğaldan azad edilmiş Çullu kəndində qeydə alınıb.

İlkin məlumata əsasən, yeyib-içdikdən sonra çobanlar arasında yaranan mübahisə silahlı insidentə çevrilib.

1975-ci il təvəllüdlü Rövşən Şirinov, həmyerlisi 1979-cu il təvəllüdlü Elşad Gözəlov tərəfindən güllələnib. Yaralı Ağdam Mərkəzi Rayon Xəstəxanasına çatdırılıb.

Elşad Gözəlov isə sonradan özünə atəş açıb. O aldığı yaradan ölüb.

R.Şirinovun müalicəsi Ağdam Rayon Mərkəzi Xəstəxanasında davam etdirilir.

Faktla bağlı cinayət işi başlanılıb, araşdırma davam etdirilir.