“Bakinternet“ çökdü - Bəzi saytların fəaliyyəti iflic oldu

Bu gün saat 12:30 radələrindən etibarən "Bakinternet" provayderində problem yaranıb.

AzNews.az xəbər verir ki, əsasən Yasamal rayonu ərazisində müşahidə olunan problem artıq 4 saata yaxındır ki, həll olunmur. İnternetin tamamilə kəsilməsi bəzi sahələrdə olduğu kimi, AzNews.az saytının da fəaliyyətinə iflic edib. Saat 13:00-da provayderdən problemin tez bir zamanda həll olunacağını bildirsələr də, üzərindən bir neçə saat keçməsinə baxmayaraq hələ də internetin verilişi bərpa edilməyib.