50 kq qızılı oğurlanan məmurun adı - Açıqlandı

Ötən gün nəqliyyat naziri Ziya Məmmədovun keçmiş müşavirinin öz qohumunu məhkəməyə verdiyi haqda məlumat vermişdik. Məlumatı verən vəkil Adəm Məmmədov həmin keçmiş məmurun adını açıqlamamışdı.

AzNews.az xəbər verir ki, Virtualaz.org saytı isə həmin müşavirin Çingiz Baxşıyev olduğunu yazıb. Sayt yazır ki, Çingiz Baxşıyev bu vəzifəyə 2014-cü ilin yanvar ayında təyin olunub. Bundan əvvəl isə Nəqliyyat Nazirliyi Dövlət Avtomobil Nəqliyyatı Xidmətinin (DANX) rəisi vəzifəsində işləyib.

Şikayətçi olduğu Rövşən Əhmədovla qohumdurlar və bu qohumluq əlaqələrinə görə Rövşən Əhmədov 2013-cü ilin axırlarına kimi Çingiz Baxşıyevin rəis olduğu xidmətdə işləyib.

Rövşən Əhmədov Çingiz Baxşıyevin şikayəti əsasında Baş Mütəşəkkil Cinayətkarlığa Qarşı Mübarizə İdarəsinin əməkdaşları tərəfindən aprel ayının 4-də saxlanılıb. Hazırda həbsdədir.

Onun dələduzluq yolu ilə dəyəri 400 min dollar dəyərində qiymətləndirilən qızıl sikkələri ələ keçirdiyi bildirilir.

Çingiz Baxşıyev 4 ay əvvəl nəqliyyat nazirinin müşaviri vəzifəsindən çıxıbmış.