Daha iki nəfər xilas edildi

Bakı şəhəri, Sabunçu rayonunda boğulmaq təhlükəsi ilə üzləşən 2 nəfər xilas edilib.

AzNews.az FHN-nin saytına istinadən xəbər verir ki, Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinə Bakı şəhəri, Sabunçu rayonunda 2 nəfərin dənizdə çimərkən batmaq təhlükəsi ilə üzləşməsi barədə məlumat daxil olub. Dərhal Xidmətin xilasediciləri vətəndaşları sudan çıxararaq aidiyyəti üzrə təhvil veriblər. Əməliyyat saat 17:41-də başa çatıb.