XİN-in rəhbərliyi Fəxri Xiyaban və Şəhidlər Xiyabanını ziyarət edib

9 iyul - diplomatik xidmət orqanları əməkdaşlarının peşə bayramı günü münasibətilə xarici işlər naziri Elmar Məmmədyarov və nazirliyin rəhbər heyəti Fəxri Xiyabanı və Şəhidlər Xiyabanını ziyarət edib.

APA-nın xəbərinə görə, ziyarət zamanı Heydər Əliyevin və oftalmoloq alim, akademik Zərifə Əliyevanın məzarları üzərinə gül dəstələri düzülüb.

Daha sonra Şəhidlər Xiyabanına gedən XİN-in rəhbərliyi və əməkdaşları şəhidlərin məzarları üzərinə və onların xatirəsinə ucaldılmış “Əbədi məşəl” abidəsinin önünə gül düzüblər və əklil qoyublar.