Yeni metrostansiyanın tikintisinə görə su kəsiləcək

Bakı şəhəri Nəsimi rayonu ərazisində yeni metrostansiyasiyasının tikintisi ilə əlaqədar A.Salamzadə və C.Məmmədquluzadə küçələrində kommunikasiya xətlərinin köçürülməsi işləri çərçivəsində ərazidən keçən 500 mm diametrli magistral su kəmərinin yeri dəyişdirilib və hazırda su xəttinin şəbəkəyə qoşulması işləri aparılır.

"Azərsu" Açıq Səhmdar Cəmiyyətinin Mətbuat xidmətindən "Qafqazinfo"ya verilən məlumata görə, bununla əlaqədar martın 26-da gün ərzində paytaxtın Nəsimi və Nərimanov rayonlarının bəzi yerlərinə - Azadlıq prospekti, T.Əliyev, Ş.Rəhimov, Atatürk, X.Şuşinski küçələrinə və 3-cü Alatava yaşayış sahəsinə içməli suyun verilməsində məhdudiyyətlər olacaq.

Yaranmış narahatlıqla əlaqədar "Azərsu" ASC abunəçilərdən üzr istəyir.

AzNews.az