1123 sürücü vəsiqəsiz sükan arxasında

Bakı Şəhər Dövlət Yol Polisinin ictimaiyyətlə əlaqələr şöbəsinin inspektoru Elvin Məmmədlinin apa-ya verdiyi məlumata görə, bu il paytaxt ərazisində 1123 sürücü nəqliyyat vasitəsini sürücülük vəsiqəsi olmadan idarə edərkən aşkarlanıb.

E.Məmmədli sürücülük vəsiqəsi olmadan nəqliyyat vasitəsini idarə edən şəxslərin Xətai rayonunda daha çox (84 nəfər) olduğunu bildirib.

Bu il, həmçinin Bakıda nəqliyyat vasitəsinin dövlət nömrə nişanı olmadan idarə olunmasına dair 455 fakt aşkarlanıb və sürücülər müvafiq qaydada cərimələniblər.

AzNews.az