Afrikadakı səfirliyimizdən bəyanat

Azərbaycan Respublikasının Cənubi Afrikadakı səfirliyi 31 Mart Azərbaycanlıların Soyqırımı gününün növbəti ildönümü ilə əlaqədar fəaliyyət göstərdiyi ölkədəki səfirliklər və dövlət orqanları arasında bəyənat yayıb.

"Qafqazinfo"nun məlumatına görə, bəyənatda Soyqırımın tarixi və ağır nəticələri haqda geniş məlumat verilib. 31 Mart Azərbaycanlıların Soyqırımı haqda ümumi məlumat əks olunan bəyənatda həmçinin Ermənistan-Azərbaycan Dağlıq Qarabağ münaqişəsi çərçivəsində Xocalı Soyqırımının baş verdiyi vurğulanıb və bu problemin hazırki günədək öz həlli yolunu tapmadığı bildirilib.

Həmçinin bəyənat CAR-da fəaliyyət göstərən Azərbaycan Dostları (Friends of Azerbaijan) qeyri hökumət təşkilatının rəsmi internet səhifəsində yerləşdirilib.
( http://azerbaijan.org.za/index.php/history/44-1918-genocide-of-azerbaijanis-by-armenian-forces ). İnternet səhifəsində Azərbaycanlıların Soyqırımına aid materiallara dair linklər göstərilmiş, o cümlədən Azərbaycan Respublikasının Prezidentinin İşlər İdarəsinin Prezident Kitabxanasının E-kataloqunda yerləşdirilmiş ingilis dilində bu hadisəyə aid materiallara linklər verilib.

Bəyənatın sonunda münaqişənin həlli ilə bağlı beynəlxalq ictimaiyyət Ermənistanın təcavüzünə qarşı qəti və güclü mövqedə dayanmağa çağırılıb.

AzNews.az