Mikayıl Cabbarovun yerinə direktor kim olacaq?

Mikayıl Cabbarovun "İçərişəhər" Dövlət Tarix-Memarlıq Qoruğu İdarəsinin direktoru vəzifəsindən azad edilməsindən sonra bu qurumun rəhbərliyinə yeni təyinat olmayıb.

"İçərişəhər" Qoruğundan Modern.az saytına verilən məlumata görə, idarənin direktoru vəzifəsini hazırda Samir Nuriyev icra edir. O, direktor əvəzidir.

"İçərişəhər" Dövlət Tarix-Memarlıq Qoruğu İdarəsinin İctimaiyyətlə əlaqələr şöbəsindən onu da bildiriblər ki, direktor təyinatı prezidentin sərəncamındadır və yaxın günlərdə sərəncam verilə bilər.

Xatırladaq ki, 2009-cu il martın 6-dan "İçərişəhər" Dövlət Tarix-Memarlıq Qoruğu İdarəsinin direktoru vəzifəsində çalışan Mikayıl Cabbarov bu il aprelin 19-da təhsil naziri postuna gətirilib.

AzNews.az