Azərbaycan və Rusiya müdafiə sənayesi sahəsində əməkdaşlıq edəcək

Müdafiə sənayesi naziri Yavər Camalov çərşənbə axşamı Rusiyanın Taktiki Raket Silahları Korperasiyasının baş direktoru Boris Obnasovun başçılıq etdiyi nümayəndə heyətilə görüşüb.

Bu barədə Müdafiə Sənayesi Nazirliyinin mətbuat xidmətindən bildirilib.

Nazir Yavər Camalov nümayəndə heyətinə nazirliyin fəaliyyəti barədə məlumat verib.

Görüşdə iki ölkə arasında müdafiə sənayesi sahəsi üzrə əməkdaşlığın perspektivləri və qarşılıqlı maraq doğuran digər məsələlər müzakirə edilib.

Boris Obnasov səmimi qəbula görə minnətdarlığını bildirib.

AzNews.az