Mədət Quliyevdən yeni təyinatlar

Penitensiar xidmətin Baş İdarəsində kiçik rəis heyətinə xidmətə yeni qəbul olunmuş 151 gənc əməkdaşla görüş keçirilib.


Penitensiar xidmətin ictimaiyyətlə əlaqələr şöbəsindən APA-ya verilən məlumata görə, xidmətə qəbul olunanlardan 105 nəfəri yeni istifadəyə verilmiş müasir tipli Şəki Penitensiar kompleksinə, 30 nəfəri müxtəlif cəzaçəkmə müəssisələri və istintaq təcridxanalarına, 16 nəfəri isə Penitensiar xidmətin Mühafizə alayı və Konvoy taboruna təyinat alıb.

Tədbirdə ədliyyə nazirinin müavini, Penitensiar xidmətin rəisi Mədət Quliyev iştirak edib. O, xidmətə yeni başlayan əməkdaşları təbrik edib, Penitensiar xidmətdə aparılan islahatlar barədə məlumat verib.

AzNews.az