“68 il Sizin xidmətinizdə”

Gənclər üçün Təhsil Mərkəzi BMT-nin yaradılmasının 68-ci ildönümünə həsr olunmuş silsilə tədbirlərə yekun vurub.

Təşkilatın mətbuat xidmətindən AzNews.az-a verilən xəbərə görə, "68 il Sizin xidmətinizdə" devizi ilə həyata keçirilən sonuncu tədbir bu gün Mingəçevir şəhərində baş tutub.

BMT-nin İnformasiya Departamentinin texniki dəstəyi ilə baş tutan tədbirdə gənclərə BMT-nin yaradılması, missiyası, onunla bağlı əsas faktlar və s. haqqında məlumat verilib, zəruri ədəbiyyatlar paylanılıb.

Tədbirlərdə gənclər üçün BMT-nin fəaliyyətinə həsr olunmuş filmlər nümayiş etdirilib, gəncləri maraqlandıran suallar cavablandırılıb. Qeyd edək ki, Gənclər üçün Təhsil Mərkəzi tərəfindən bu tədbirlərin keçirilməsində məqsəd beynəlxalq əhəmiyyət daşıyan əlamətdar günlərdə və tədbirlərdə Azərbaycan gənclərinin fəallığını nümayiş etdirməkdir.

AzNews.az