Zaur Hüseynov hələ də əvvəlki işindədir- Açıqlama

Bu gün "Bakı Metropoliteni" Qapalı Səhmdar Cəmiyyətinin sədri təyin edilən Zaur Hüseynov köhnə iş yeri ilə hələ vidalaşmayıb.

Buna AzNews.az-a açıqlamasında "Bakıelektrikşəbəkə"nin mətbuat xidmətinin rəhbəri Tanrıverdi Mustafayev deyib.

Onun sözlərinə, Zaur Hüseynov hələ ki, "Bakıelektrikşəbəkə" Açıq Səhmdar Cəmiyyətinin sədrinin birinci müavini kimi işini davam etdirir: "Zaur Hüseynov "Bakıelektrikşəbəkə"dən getməyib və hazırda öz iş otağındadır.

"Bakı Metropoliteni" QSC-nin sədri vəzifəsinə təqdimatı həyata keçirildikdən sonra onun sədr müavini səlahiyyətlərinə xitam veriləcək".

"Bakıelektrikşəbəkə"dən o da deyilib ki, hazırda Z. Hüseynovun yerinə heç bir namizəd müəyyən edilməyib.

Qeyd edək ki, "Bakıelektrikşəbəkə" ASC-nin sədrinin birinci müavin Zaur Hüseynov prezidentin bu gün imzaladığı sərəncamla yeni yaradılan "Bakı Metropoliteni" Qapalı Səhmdar Cəmiyyətinin sədri təyin edilib.

Amid Əyyuboğlu
AzNews.az