- Köhnə - Cəmiyyət
- 17 Mart 2014 12:26
- 9 877
“Moskva Univermağı“na 1 milyon dollar ziyan dəyib

Bu barədə fins.az-a ticarət mərkəzində çalışan sahibkarlar məlumat veriblər. Məlumata görə, ən böyük ziyan təkcə qızıl məmulatları şöbəsinə dəyib. Burada 500 min manatdan artıq qiyməti olan qızıl-zinət əşyaları yanaraq yararsız hala düşüb. Ayrı-ayrı sahibkarların isə bir neçə kiloqram qızılı zay olub.
Mebel şöbəsində satışda olan mebellərin yanması isə sahiblərinə 150 min manat zərər vurub. Bundan başqa, geyim və parça bölməsində 100 min mantlıqdan artıq mal yanaraq yararsız hala düşüb.
Sahibkarlar bütün bu malların sığortalanmadığını etiraf ediblər. Mebel satışı işə məşğul olan sahibkar Ruhəngiz Mustafayeva bildirib ki, bir həftə əvvəl mallarını sığortalamaq barədə düşünüblər, hətta bununla bağlı sığorta şirkətlərinə müraciət etməyə də hazırlaşıblar. Amma cəmi bir neçə gün sonra yanğın olub.
AzNews.az