Yeni TV və radiostansiyalar açılacaq

Azərbaycanda yaxın zamanlarda yeni telekanal və ya radiostansiyanın açılması ilə bağlı müsabiqə elan olunacaq. Bu barədə Milli Televiziya və Radio Şurasının (MTRŞ) sədri Nuşirəvan Məhərrəmli məlumat verib.

Onun sözlərinə görə, regionlarda yeni telekanallara, daha çox da radiolara ehtiyac var: "Rayonlarda radio yayımçılarına ehtiyac var. Azərbaycan kimi ölkədə telekanalların sayı kifayət qədərdir. Zərurət olarsa, bu məsələyə yenidən baxılacaq".

Nuşirəvan Məhərrəmli uşaq televiziyaları ilə bağlı məsələyə də münasibət bildirib. O, uşaq televiziyasının yaradılmasının tez olduğunu söyləyib: "Ancaq uşaqlar üçün xüsusi verilişlərin və cizgi filmlərin çəkilməsinə ehtiyac var".

Elnarə
AzNews.az