Bir neçə gündür ki, ölkədə icra başçıları ilə bağlı kadr dəyişikliyi müzakirə olunur. Bir neçə gündür ki, ölkədə icra başçıları ilə bağlı kadr dəyişikliyi müzakirə olunur.

Zakir Fərəcovun qadağasına son qoyuldu

Bir neçə gündür ki, ölkədə icra başçıları ilə bağlı kadr dəyişikliyi müzakirə olunur.

Rayon sakinləri başçılarla bağlı ümumi təəssüratlarını sosial şəbəkələrdə paylaşırlar.


AzNews.az qafqazinfo-ya istinadən xəbər verir ki, həmin məlumatlardan biri də Abşeronun eks-icra başçısı hazırda isə Sumqayıtda fəaliyyətini davam etdirən Zakir Fərəcovla bağlıdır. Məlum olub ki, icra başçısının istəyi ilə 119 nömrəli avtobusun istiqamətində dəyişiklik olub. Belə ki, sözügedən marşrut əvvəllər Abşeron rayon İcra Hakimiyyətinin yerləşdiyi Rəsulzadə küçəsindən hərəkət edirmiş.



2005-ci ildə Zakir Fərəcov Abşerona başçı təyin edildikdən sonra 119 nömrəli marşruta İcra Hakimiyyətinin binasının önündən keçməyə qadağa qoyub. Buna görə də avtobus sürücüləri əziyyət çəkərək bir neçə istiqamətdə yollarını dəyişiblər.

Maraqlıdır ki, Zakir Fərəcov Abşerondakı postunu təhvil verən kimi həmin qadağa da aradan qaldırlıb. Xırdalan sakinlərinin sözlərinə görə, 119 nömrəli avtobusun sürücüləri yenidən əvvəlki istiqamətdə Rəsulzadə küçəsində hərəkəti bərpa olunub.

Hazırda avtobus sürücüləri və sərnişinlər yeni icra başçısı İradə Gülməmədovanın qərarının necə olacağını maraqla gözləyirlər.

Qeyd edək ki, Nəqliyyatı İntellektual İdarəetmə Mərkəzinin saytında 119 nömrəli avtobusun hərəkət cədvəlində Rəsulzadə küçəsinin adı yoxdur.