TQDK şagird bazasını yaradır

Tələbə Qəbulu üzrə Dövlət Komissiyasında şagird-məzun bazasının formalaşdırılmasına başlanılıb. Artıq bununla bağlı TQDK-da seminar-məşğələ keçirilib.

Qurumun mətbuat xidmətindən verilən məlumata görə, "Şagird-məzun elektron məlumat bazası"nın formalaşdırılmasına həsr olunmuş seminar-məşğələdə şəhər və rayon təhsil şöbələrinin nümayəndələri, əlaqələndirici şəxslər iştirak ediblər.

Qeyd edək ki, növbəti mərhələdə respublikanın bütün orta ümumtəhsil müəssisələri üzrə şagirdlərin məlumat bazasının formalaşdırılması üzrərində işlərə başlanacaq.

Elnarə Əlosmanqızı
AzNews.az