MM Azərbaycan və Türkiyə xüsusi təyinatlılarının təliminə dair anlaşma memorandumunu təsdiq edəcək

İclasın gündəliyinə daxil olan məsələlər aşağıdakılardır

Milli Məclis Azərbaycan Ordusu və Türkiyə Silahlı Qüvvələrinin xüsusi təyinatlıların təliminə dair anlaşma memorandumunu təsdiq edəcək.

Aznews.az xəbər verir ki, bu, parlamentin Müdafiə və təhlükəsizlik komitəsinin 16 sentyabrda keçiriləcək iclasının gündəliyinə daxil edilib.

İclasın gündəliyinə daxil olan məsələlər aşağıdakılardır:

1.Milli Məclisin Müdafiə, təhlükəsizlik və korrupsiya ilə mübarizə komitəsinin 2021-ci il yaz və növbədənkənar sessiyaları dövründə gördüyü işlər barədə hesabatı.

2. Milli Məclisin Müdafiə, təhlükəsizlik və korrupsiya ilə mübarizə komitəsinin 2021-ci ilin payız sessiyası üçün nəzərdə tutulmuş iş planı.

3. “Azərbaycan Hökuməti ilə Türkiyə Respublikası Hökuməti arasında Azərbaycan Ordusu və Türkiyə Silahlı Qüvvələrinin xüsusi təyinatlıların təliminə dair” Anlaşma Memorandumunun təsdiq edilməsi haqqında” Azərbaycan Respublikası qanununun layihəsi.