- Mədəni adam
- 3 Dekabr 2018 14:18
- 2 908
Cəlil Cavanşirin “Miladdan sonra” adlı kitabı çıxdı
"Kitabsız, ədəbiyyatsız yaşamaq mənim üçün çox çətindir"
Cəlil Cavanşirin “XAN” nəşriyyatında “Miladdan sonra” adlı yeni şeirlər kitabı işıq üzü görüb.
Müəllifin AzNews.az-a bildirdiyinə görə, kitabda son illərdə yazdığı şeirlər toplanıb.
O deyib: “İlin əvvəlində bir daha kitab çap etdirməyəcəyimə söz versəm də, bu sözümü tuta bilmədim. Anladım ki, kitabsız, ədəbiyyatsız yaşamaq mənim üçün çox çətindir. Eyni zamanda şeirlərimə tələbat olduğunu müşahidə etdiyim üçün, yeni şeirlər kitabı ilə oxucularımı sevindirmək istədim. Hər zaman olduğu kimi, bu dəfə də dostum və naşirim Müşfiq Xan arzumu həyata keçirmək üçün əlindən gələni etdi.
Dostum Sevinc Çılğın da kitabın redaktəsini öz üzərinə götürdü və beləliklə kitab hazır oldu. Şeirsevərlər üçün çox maraqlı bir kitab olacağını düşünürəm. Xüsusilə, gənclər tərəfindən kitabın maraqla qarşılanacağına əminəm".
Növbəti həftələrdə kitabın Bakıda və bir sıra rayonlarda təqdimatı nəzərdə tutulur.
AzNews.az
