“Nəsimi bazarı”nın adı dəyişdirilsin” Şairdən təklif

“Təklif edirəm ki, Nəsimi ilində, “Nəsimi bazarı”nın adı dəyişdirilsin...”

Bunu Moderator.az-a açıqlamasında “Ulduz” jurnalının baş redaktoru, şair Qulu Ağsəs şair İmadəddin Nəsiminin adını daşıyan “Nəsimi bazarı” haqqında danışarkən deyib. Q.Ağsəs ömrünü sözə həsr edən bir adamın adına bazar açılmasının yolverilməz olduğunu və bu il bazarın adının dəyişdirilməsini təklif edib:

“Təklif edirəm ki, Nəsimi ilində, “Nəsimi bazarı”nın adı dəyişdirilsin, yəni bütün həyatını bazar əleyhinə yaşayan, bazar adamlarının əliylə qətlə yetirilən, daşlanan, öldürülən, dərisi soyulan bir adamın, heç olmasa, 650 illik yubileyində adını daşıyan “Nəsimi bazarı”nın adını dəyişdirsinlər. Çünki 650 il istəyirik ki, Nəsimi bazarı olsun və bu söz bazarı olsa, altından sevinə-sevinə imza atardıq, amma Nəsimi kartof bazarı yox ki. Biz deyirik ki, İmdadəddin Nəsimi böyük şairimizdir, tanrıyla insanı eyniləşdirib, təriqət şairidir, sufidir, tanrıçıdır, türkçüdür, sonra da adına bazar açırıq. İstəyirəm ki, həmkarlarımızı da dəvət edəm ki, bununla bağlı müvafiq qurumlara müraciət edək”.

AzNews.az