İki qatar toqquşdu: 8 ölü, 150 yaralı - Fotolar + Yenilənib 3

Almaniya Federativ Respublikasında ağır qəza baş verib.

AzNews.az Almaniya mətbuatına istinadən xəbər verir ki, Bavariyanın Bad-Aiblinq şəhərində iki qatar toqquşub. Nəticədə bir neçə vaqon relsdən çıxıb. Baş verən qəzada ən az 100 nəfər xəsarət alıb.

Hüquq-mühafizə orqanları hadisə nəticəsində ölənlərin olduğu barədə də məlumat yayıb. Lakin ölənlərin sayı dəqiqləşdirilməyib.

12:04
***

AzNews.az DRA agentliyinə istinadən xəbər verir ki, baş verən qəza nəticəsində ən az 2 nəfər vəfat edib.

Hüquq-mühafizə orqanlarından verilən məlumata görə, yaralılardan 10-unun vəziyyəti ağırdır.

Hadisə yerinə 8 helikopter və bir neçə təcili tibbi yardım maşını cəlb olunub.





12:20
***

Qatarların toqquşması nəticəsində ölənlərin sayı 4-ə çatıb. Qəza nəticəsində xəsarət alanların sayı 150 nəfərə qədər yüksəlib.

12:44
***

Almaniyada qatarların toqquşması nəticəsində ölənlərin sayı 8 nəfərə yüksəlib.

AzNews.az xəbər verir ki, bu barədə Reuters agentliyi məlumat verib. Məlumatda yaralılardan 50-sinin vəziyyətinin ağır olduğu qeyd olunur.

Hadisənin səbəbləri araşdırılır.








Aydan AXUNDOVA