Ukraynanın yük maşınlarına qadağa – Rusiyadan keçmək olmaz

Rusiya Ukrayna qeydiyyatında olan yük maşınlarının öz ərazisindən tranzitini tamamilə dayandırıb.

AzNews.az xəbər verir ki, bu barədə Rusiya Nəqliyyat Nazirliyinin mətbuat xidmətindən məlumat verilib.

"Rusiya yük maşınlarının Ukrayna ərazisində hərəkətinin bloklanmasına görə, 2016-cı il fevralın 16-dan etibarən Rusiya ərazisində tranzit yükdaşımaları həyata keçirən Ukrayna yükdaşıyan nəqliyyat vasitələrinin hərəkəti tamamilə dayandırılır", - deyə məlumatda qeyd olunur.

Qeyd edək ki, bir müddət öncə 300-dən çox Ukrayna yük maşınının Rusiyada hərəkətinin dayandırılması barədə xəbər yayılmışdı.

Aydan AXUNDOVA