Hakim partiyanın baş qərargahı yandırıldı

"Müsəlman qardaşları" partiyasının Qahirədəki baş qərargahı yandırılıb. Gecə saatlarında yüzlərlə şəxsin qərargaha hücumu nəticədə yanğın baş verib. AzNews.az "France-Presse" agentliyinə istinadən xəbər verir ki,
hücumda 200 nəfər iştirak edib.

Nümayişçiləri ərazidən uzaqlaşdırmaq üçün polis gözyaşardıcı qazlardan istifadə edib. Ancaq nümayişçilərin partiyanın daha bir ofisini yandırmaq cəhdi baş tutmayıb.

Qərargaha hücumlar Misirdə prezident Məhəmməd Mursinin tərəfdarları və əleyhdarları arasında çıxan qarşıdurma fonunda baş verib.

Elnarə Əlosmanqızı
AzNews.az