Ərəb şeyxinə ərə gedən gimnast mediaya səsləndi: “İcazəm olmadan...”

Azərbaycanın tanınmış bədii gimnastı, beynəlxalq dərəcəli idman ustası Zeynəb Cavadlı Birləşmiş Ərəb Əmirliklərinin vitse-prezidenti və baş naziri, Dubayın Əmiri Şeyx Məhəmməd bin Rəşid Əl-Maktumun qardaşı oğlu Şeyx Səid Əl Məktuma ərə getməsi ilə bağlı xəbərin yayılmasından sonra mediaya müraciət edib.


AzNews.az "Qafqazinfo"ya istinadən xəbər verir ki, o öz müraciətində aşağıdakıları qeyd edib:

"Əziz dostlar, hörmətli media nümayəndələri!

Biz sizinlə uzun zaman əməkdaşlıq etmişik.

Bu illər ərzində mən hər zaman sizlərə böyük hörmət bəsləmişəm və ümidvaram ki, siz də mənə qarşılıqlı cavab verəcəksiniz.

Sizdən xahiş edirəm ki, mənim icazəm olmadan ailəm barədə bir daha mediada heç bir məlumat paylaşmayasınız.

Mənim ailəm – mənim şəxsi həyatımdır.

Bu mövzuda mediaya heç bir açıqlama vermək istəməzdim. Xahiş edirəm, mənim istəyimi nəzərə alaraq mətbuat etik qaydalarına riayet edəsiniz.

Təşəkkür edirəm!".

Xatırladaq ki, Z. Cavadlı ilə bağlı xəbər "Qafqazinfo"da dünən yayılıb. Xəbərdə bildirilir ki, gimnast 1 il əvvəl Qəbələdə tanış olduğu Əl Məktumla ailə həyatı qurub. Bu ilin iyun ayında isə onların qız övladı dünyaya gəlib.