İstanbulda güclü zəlzələ baş verib- 3 şəhərdə hiss edilib

Türkiyənin İstanbul şəhərində rixter cədvəli ilə 6.3 bal gücündə zəlzələ baş verib.

AzNews.az xarici mətbuata istinadən xəbər verir ki, Qəndilli Rəsədxanasından verilən məlumata görə, zəlzələnin episentri Egey dənizinin cənub hissəsində 5 kilometr dərinlikdə qeydə alınıb.

Episentr sahildən 85 kilometr kənarda yerləşir.

Yeraltı təkanlar İstanbul ilə yanaşı, İzmir, Bursa və Çanaqqalada da hiss olunub.

Təbii fəlakətlə əlaqədar dağıntılar olub-olmadığına dair hələlik heç bir məlumat verilmir.

Bəxtiyar Abbasov

AzNews.az