Çində daşqınlar nəticəsində ölənlərin sayı 33-ə çatdı - Foto

Çinin Quansi Cuan Muxtar Rayonunda leysan yağışlarının törətdiyi fəsadlarda ölənlərin sayı 33-ə, itkin düşənlərin sayı isə 15-ə çatıb.

AzNews.az “AZƏRTAC”a istinadən xəbər verir ki, leysan yağışlarının əmələ gətirdiyi sel və daşqınlar 94 mindən çox sakinin təxliyyə edilməsinə, 600 evin tamamilə, 6500 evin isə qismən dağılmasına səbəb olub. Bölgədəki 60 iri çayda suyun səviyyəsi təhlükəli həddə çatıb. Ümumi maddi ziyan 430 milyon ABŞ dollarına bərabərdir.

AzNews.az