- Köhnə - Dünya
- 4 Dekabr 2017 16:50
- 5 778
Jurnalistin qətlinə görə 8 nəfər saxlanıldı
Maltanın baş naziri Cozef Muskat Dafina Karuana Qalisiyanın öldürülməsinə görə 8 nəfər şübhəli şəxsin saxlanıldığı barədə məlumat verib.
AzNews.az BBC-yə istinadən xəbər verir ki, maltalı jurnalist-bloger oktyabrın 16-da sükan arxasında olduğu avtomobilin partlaması nəticəsində dünyasını dəyişib.
O, evdən çıxaraq maşına minib və az keçməmiş partlayış baş verib.
Ölümündən 2 həftə əvvəl onun ünvanına təhdidlər gəlib. Jurnalist baş nazir Muskatı və həyat yoldaşını Panamada ofşor zonalarla əlaqədə ittiham edib.
Onun ölümündən sonra WikiLeаks-in yaradıcısı Culian Assanc qətlin təşkilatçılarının adını deyənə 20 min avro pul mükafatı vəd edib.