“Əl-Qaidə” liderlərindən birinin öldürüldüyü təsdiqləndi

“Əl-Qaidə” terror təşkilatının Yəməndəki qanadı videoyazı yayaraq Nasir əl-Vuhəyşi adlı rəhbərinin ABŞ-ın pilotsuz təyyarəsinin zərbəsi nəticəsində həlak olduğunu təsdiqləyib.


AzNews.az xəbər verir ki, bu haqda məlumatı BBC telekanalı yayıb.

Bundan öncə ABŞ-ın CNN televiziya kanalı Nasir əl-Vuhəyşinin qaldığı güman edilən əraziyə pilotsuz təyyarə vasitəsilə zərbə endirildiyini bildirmişdi.

Nasir əl-Vuhəyşi "Əl-Qaidə"də əhəmiyyətinə görə ikinci şəxs sayılıb.

O, təşkilatın keçmiş lideri Üsama bin Ladenin köməkçisi olub, 2007-ci ildən isə "Əl-Qaidə"nin Yəməndəki təşkilatına rəhbərlik edib.

ABŞ-da əl-Vuhəyşi 2009-cü ildə təyyarə göyərtəsində alınmamış partlayış cəhdinin hazırlanmasına görə məsuliyyət daşıyan şəxs sayılır.