«Müsəlman qardaşları”nın 26 üzvünə - Ömürlük həbs cəzası

Misirin Sohaq şəhər Cinayət Məhkəməsi «Müsəlman qardaşları” hərəkatının 26 üzvünə ömürlük həbs cəzası verib.


AzNews.az-ın APA-ya istinadən verdiyi məlumata görə, onlar 2013-cü il iğtişaşları zamanı kilsəni yandırmaqda təqsirli bilinirlər.

Daha 67 nəfər cəzasını ciddi rejimli cəzaçəkmə müəssisəsində çəkməklə 15 il, 26 nəfər isə 10 il həbs cəzası alıb.

Ümumilikdə Sohaq şəhərində 119 nəfər məhkəmə qarşısına çıxarılıb.

Onlar 2013-cü il iğtişaşları zamanı 3 kilsəni, xristian mərkəzini, mağazaları yandırmaqda təqsirli bilinirlər.