- Fanat
- 17 Avqust 2019 09:50
- 1 091
Filippe Koutinyo "Barselona"dan getdi
A |
A |
A
O, Münhen təmsilçisinin formasını geyinəcək
Almaniyanın "Bavariya" klubu İspaniya "Barselona"sının ulduz futbolçusu Filippe Koutinyonu icarəyə götürüb.
27 yaşlı yarımmüdafiəçi 2019/2010 mövsümünün sonuna kimi Münhen təmsilçisinin formasını geyinəcək.
Müqaviləyə əsasən, Almaniya nəhəngi növbəti mövsümdə braziliyalı oyunçunu heyətinə qatmaq hüququna malik olacaq.
Qeyd edək ki, Filippe Koutinyo 2018-ci ilin yanvarında İngiltərənin "Liverpul" klubundan "Barselona"ya keçib. Kataloniya təmsilçisi onun keçidi üçün 145 milyon avro ödəyib. Yarımmüdafiəçi komandanın heyətində 76 matçda meydanda olub. "Barselona" ilə 2023-cü ilin yayına kimi müqaviləsi olan oyunçu 21 qol və 11 məhsuldar ötürmə ilə yadda qalıb. (Report)