Benzema tarixə düşdü

İspaniyanın "Real Madrid" klubunun futbolçusu Kərim Benzema İtaliya "Yuventus"unda çıxış edən Kriştianu Ronaldunun rekordunu qırıb

33 yaşlı hücumçu buna La Liqanın XXXI turunda "Kadis"i 3:1 hesabı ilə məğlub etdikləri matçda nail olub.

Görüşdə dubl edən fransalı forvard ikinci qolda Alvaro Odriosolaya məhsuldar ötürmə verib. Beləliklə, Benzema La Liqadakı məhsuldar ötürmə sayını 88-ə çatdırıb və keçmiş komanda yoldaşı Ronaldunu (87 məhsuldar ötürmə) geridə qayub.

Bu, həmçinin Madrid klubunun XXI əsrdəki ən yaxşı göstəricisidir.

Qeyd edək ki, Kərim Benzema "Real Madrid"in formasını 2009-cu ildən geyinir.(report)