Tokio-2020-yə gedən federasiyaların hamısı yetəri sayda maska götürməlidir Tokio-2020-yə gedən federasiyaların hamısı yetəri sayda maska götürməlidir
  • Fanat
  • 25 İyun 2021 13:36
  •  5 258

Olimpiadada testi müsbət çıxan idmançılarla bağlı açıqlama

Tokio-2020-yə gedən federasiyaların hamısı yetəri sayda maska götürməlidir

Milli Olimpiya Komitəsinin nümayəndəsi Ceyhun Rəhmanov Tokio-2020 Yay Olimpiya Oyunlarında COVID-19 tədbirləri barədə məlumat verib.

AzNews.az-ın xəbərinə görə, o, yerli federasiyaların Tokioya lazımi sayda maska aparmalı olduğunu bildirib:

“Tokio-2020-yə gedən federasiyaların hamısı yetəri sayda maska götürməlidir. Çünki təşkilat komitəsi idmançılara maska verməyəcək. Hər gün idmançılar testlərdən keçiriləcək və vəziyyətləri barədə məlumat verəcəklər. Atletlər Kəndindən çıxmağa icazə yoxdur”.

Həmçinin MOK-un Beynəlxalq Əlaqələr Şöbəsinin müdiri Anar Bağırov turnirin gedişində testi müsbət çıxan idmançılardan danışıb: “Testi pozitiv çıxan idmançının vaksini varsa, biz etiraz edəcəyik və o, yenidən test verəcək. Neqativ çıxsa, davam edəcək. Vaksin yoxdursa, etirazımızı qəbul etməyə bilərlər. Əgər Atletlər Kəndində bir yerdə qalan idmançılardan birində virus çıxarsa, digərləri də yarışdan xaric ediləcək”.