Xəzərdə köməksiz qalan iki balıqçı xilas olundu

Xəzərdə köməksiz qalan iki balıqçı xilas olunub. Trend-in Fövqəladə Hallar Nazirliyinin rəsmi saytına istinadən verdiyi məlumata görə, Bakı şəhəri, Qaradağ rayonu ərazisində Daşgil adlanan sahədə 2 nəfər balıqçı havanın küləkli və dənizin dalğalı olması səbəbindən sahildən təqribən 2 km dənizə doğru köhnə, istifadəsiz estakadalar üzərində köməksiz vəziyyətdə qalıb.

Müraciət daxil olan kimi Fövqəladə Hallar Nazirliyinin Aviasiya dəstəsinin 1 ədəd helikopteri hadisə rayonuna cəlb olunub. Keçirilmiş xilasetmə əməliyyatları nəticəsində hər iki balıqçı xilas olunub.

AzNews.az