12 yaşlı uşağın boğazına ip dolandı - Qonşuları xilas etdi (Video)

Siyəzən rayonunun Yenikənd kəndində yaşayan 12 yaşlı Balakişiyev Əliheydər Vüqar oğlu yelləncəkdə yellənərkən boğazına ip dolanıb.

AzNews.az Region TV-yə istinadən xəbər verir ki, xoşbəxtlikdən valideynlər hadisədən tez xəbər tutublar.

Azyaşlı dərhal Siyəzən Regional Diaqnostika Mərkəzinə çatdırılıb.

Xəsarət alan Əliheydərin bibisi Xalidə Ağayeva hadisənin anidən baş verdiyini bildirib: "Uşaq oynayırmış. İp asılıb göydən. Elə-belə oynayarkən keçib boğazına. Çıxarda bilməyib. Bu zaman qardaşı görüb. Gedib anasını çağırıb. Anası gələnədək, bıçağı gətirənədək gec olub. Qonşular özlərini tez çatdıraraq götürüblər. Həmin vaxt halsız vəziyyətdə olub".

Hazırda xəsarət alan azyaşlı reanimasiyadadır. Əliheydər Balakişiyevin vəziyyətini ağırdır. Bu səbəbdən Səhiyyə Nazirliyinə məlumat verilib.