Prezident batan şəxsin axtarışı zamanı boğulub

Gürcüstanın Martvili şəhərinin Qoçkadili kəndi ərazisində Abaşistskali çayında itkin düşmüş yeniyetmənin axtarışı zamanı dalğıc batıb.

APA-nın "Gruzia Online"-a istinadən verdiyi məlumata görə, hadisə yerinə işləyən xilasedicilər bildiriblər ki, boğulan dalğıc Milli Dalğıclar Federasiyasının prezidenti Elqudca Camrişvilidir.

Onun meyitini sudan çıxarmaq mümkün olmayıb. Dalğıcın və yeniyetmənin axtarışları davam edir.

Hava şəraiti ilə əlaqədar axtarış işləri çətin gedir.