Tunel çökdü: insan tələfatı istisna olunmur

Yaponiyada tunel çöküb. Ehtimala görə, dağıntı altında insanlar qala bilər. Hadisə Tokio ilə Naqoa arasındakı avtomagistralda baş verib.

Nəticədə magistralın 4,3 kilometrlik hissəsi sıradan çıxıb.Yaranmış güclü yanğın ətrafı tüstüyə qərq edib və bu da axtarış işlərini çətinləşdirib.

AzNews.az-ın İTAR-TASS-a istinadən verdiyi xəbərə görə, üç avtomobil dağıntılar altında qalıb. Xəsarət alanlardan ikisi tuneldən çıxa bilib. Xilasedicilər dağıntı altında daha bir neçə insanın olduğunu güman edir.

İnci
AzNews.az