Qubanın dağlıq ərazisində növbəti yanğın başlayıb

Quba rayonunun Qasımqışlaq kəndinin yaxınlığında dağlıq ərazidə yanğın başlayıb.

Fövqəladə Hallar Nazirliyinin (FHN) yaydığı məlumata görə, yanğınsöndürmə işlərinə FHN-nin Dövlət Yanğından Mühafizə Xidmətinin yanğın bölmələri, Ekologiya və Təbii Sərvətlər Nazirliyinin əməkdaşları, Rayon İcra Hakimiyyətinin canlı qüvvəsi və 1 ədəd texnikası, yerli sakinlərdən ibarət könüllülər cəlb oluub. İlkin məlumata görə, yanğınların yayılmasının qarşısı alınıb.