Minik avtomobili teplovozla toqquşdu

Zaqatala Dəmiryol Stansiyasının ərazisindəki qorunmayan keçiddə qəza hadisəsi baş verib.


AzNews.az Daxili İşlər Nazirliyinin (DİN) rəsmi saytına istinadən xəbər verir ki, oktyabrın 9-da saat 09.40 radələrində Zaqatala Dəmiryol Stansiyasının ərazisindəki qorunmayan keçiddə rayon sakini Ramin Əliyev idarə etdiyi "Hyundai" markalı avtomaşını teplovoza vurub.

Xoşbəxtlikdən hadisə nəticəsində ölən və xəsarət alan olmayıb, yolda hərəkət dayanmayıb.

Faktla bağlı Nəqliyyatda Baş Polis İdarəsi tərəfindən araşdırma aparılır.

AzNews.az