İki gün su olmayacaq

Bakı şəhəri Sabunçu rayonu Bakıxanov qəsəbəsində istismar dövrünü başa vurmuş magistral su xətti yenisi ilə əvəz olunub. Hazırda mövcud şəbəkənin yeni çəkilmiş magistral su xəttinə qoşulması işləri aparılır.

"Azərsu" ASC-nin mətbuat xidmətindən AzNews.az-a verilən məlumata görə, bununla əlaqədar Sabunçu rayonunun 1 hissəsində 2 gün su olmayacaq.

Belə ki, oktyabrın 28-29-da Sabunçu rayonu Bakıxanov qəsəbəsinin Nazim İsmayılov, Habil Balakişiyev, Zabrat və Pirməmməd küçələrinin bir hissəsinə içməli suyun verilməsində məhdudiyyətlər olacaq. Yaranmış narahatlıqla əlaqədar "Azərsu" ASC abonentlərdən üzr istəyir.

AzNews.az