Şabranda yanğın: bir nəfər xəsarət aldı

Şabranda yanğın baş verib, bir nəfər xəsarət alıb.

AzNews.az Fövqəladə Hallar Nazirliyinin rəsmi saytına istinadən məlumat verir ki, Şabran rayonu, Ağalıq kəndində vətəndaşa məxsus ümumi sahəsi 66 kvadrat metr olan tövlənin dam örtüyünün yanar konstruksiyaları yanıb.

Yanğın zamanı tövlənin sahibi ayaq nayihələrindən yüngül yanıq xəsarətləri alıb, hadisə yerində Təcili Tibbi Yardım Xidməti tərəfindən ilkin tibbi yardım göstərilib.

Yaxınlıqdakı ev yanğından mühafizə olunub. Yanğın saat 02:45-də yanğınsöndürənlər tərəfindən söndürülüb.

AzNews.az