Yanıb külə dönən “Maserati”nin sahibi məlum oldu - FOTO

Bu gün səhər Bakıda yanıb külə dönən "Maserati"nin sahibi məlum olub.

Virtualaz.org- un xəbərinə görə, avromobilin sahibi Azad Abdullayev azərbaycanlı oliqarx, "Baghlan Group" şirkətlər qrupunun prezidenti Hafiz Məmmədovun şərikidir.

Hadisə baş verən anda sükan arxasında olmuş Rüfət Abdullayev (Azad Abdullayevin oğlu) "Hafka"nın oğlu Kənan Məmmədovla yaxın dostdur.

Rüfət Abdullayevə məxsus olan və bu gün səhər saatlarında Rəşid Behbudov küçəsində yanan "Maserati"nin 10 LL 010 dövlət nömrə nişanının bir neçə maşına bağlanması üzə çıxıb.

Həmin nömrə ayrı-ayrı vaxtlarda "BMW" və "Range Rover" markalı avtomobillərə vurulub.

Qeyd edək ki, bu gün səhər saatlarında Rəşid Behbudov küçəsində "Maserati" markalı avtomobil qəzaya uğrayaraq yanmışdı.

Nəsimi Rayon Polis İdarəsindən bildirilib ki, həmin avtomobil Rüfət Azad oğlu Abdullayevə məxsusdur. Maşının dövlət nömrə nişanı isə 10 LL 010-dur.





AzNews.az