Baş Prokurorluqdan “MTN işi”ndə həbs edilən zabitin intiharı ilə bağlı - Açıqlama

Baş Prokurorluq “MTN işi”nə görə həbs edilən şəxslərdən birinin intihar etməsi barədə yayılan məlumatlara münasibət bildirib.


Baş Prokurorluğun mətbuat xidmətinin rəhbəri Eldar Sultanov sorğuya cavabında bildirib ki, bu barədə bəzi KİV-də yayılan məlumatlar həqiqəti əks etdirmir və qəti şəkildə təkzib olunur.

Qeyd edək ki, "Azadlıq.info" saytı "MTN işi"nə görə həbs olunan zabitlərdən birinin intihar etməsi barədə məlumat yayıb. Məlumatda intihar edənin kimliyi haqqında məlumat verilmir.

APA.az