“Bu, karyeramın ən gözəl qoludur” - Video

"Yuventus"la "Real Madrid" arasında keçirilən matç zamanı oyunun qəhrəmanı Kriştianu Ronaldo danışıb.

AzNews.az-ın dünya mətbuatına istinadən verdiyi məlumata görə, oyun zamanı "Yuventus"un qapısını iki dəfə silkələyən məşhur futbolçu vurduğu məşhur qol barədə açıqlama verib.

"Çox yüksəyə sıçradım və uzun müddət yaddaşlardan silinməyən bir qol vurdum. Ehtimal ki, bu, karyeramın ən gözəl qoludur. İnanılmaz bir an idi. "Yuventus"un azarkeşlərinə də təşəkkür edirəm. Mənim üçün müdhiş bir iş gördülər. Daha öncə karyeramda belə bir şey olmamışdı", deyə Ronaldo bildirib.